HIGH SALARY COURSES AFTER 12TH SCIENCE

 PARAMEDICAL COURSES

INTRODUCTION:

Doston akshar students class 12th board or intermediate ki exam pass karne k baad yahi sochte hain ki unhe aage kya karna chahiye! Khas kar waise students jinhone 12th biology (pcb) se ki ho.Wo sochte rahte hai ki aakhir koun sa course lekar aage padhai karni chahiye, taki unka fututre better ho sake aur wo apne career ko successfully set kar sake, aur ye sabhi sawal student k man me aana lazmi hai aakhir ye unki puri jindagi aur career ki baat hoti hai .

Doston, akshar aisa hota hai ki aap 10th k baad biology subject choose karte ho aur 12th krne k baad students ko BIOLOGY SCOPES k bare me jyada pta hi nhi hota hai aur unhe lagta hai ki BIOLOGY lene k baad sirf  DOCTOR ban kar hi MEDICAL Field me career bana sakte hain. Isliye students NEET ki taiyari me jor shor se lag jate hain . Unhe pta hi nhi hota ki MBBS k alaawa bhi kayi sare aise MEDICAL FIELD hai jisme bahut jyada future SCOPES hai aur jise wo kar sakte hai.

Aaj ka ye article PCB AUR PCM dono group ke students k liye helpful hone wala hai kyonki mai aapko is article me MBBS ke alwaa kayi sare behtareen courses k bare me btane wali hu jiske bare mein sayad abhi tak apko pta bhi na ho. Arey ye kya PCM students ye sunkar Hairaan ho gye ki maths lene k baawjood wo apna career Medical field me bnaa sakte hai .To dear students hairaani ki bat nhi hai PCM students bhi apna career medical field me bna sakte aur wo kaise main isi article me apko btane wali hun;-

MEDICAL ke alawa AAPNE Paramedical ka naam bhi suna hi hoga aur agar nhi suna hai to mai bta dun ki koi bhi hospital sirf akele doctors se to nahi chalaya jata hai . Doctors k help karne k liye nurses ,pharmasists aur other technicians ki jrurt bhi hoti hai. Kayi aise courses hote hai jinhe aap government ya private colleges se  karke hospitals me jobs lekar apni career bna sakte hai jisme apki monthly income bhi jabardast hoti hai .To chaliye doston mai apko ek ek karke btati hun ki kon kon se courses hain aur un courss me apko kya pdhayi karni hoti hai.

PARAMEDICAL COURSES OFFERED:

1. MLT/ LAB TECHNICIAN
2. OT TECHNICIAN
3. ECG TECHNICIAN
4. X-RAY TECHNICIAN/ RADIOGRAPHY
5. ANESTHESIA TECHNICIAN
6. OPTHALAMIC ASSISTANT
7. DENTAL HYGIENIST
8. CATH. LAB TECHNICIAN
9. DIALYSIS TECHNICIAN
10. DIPLOMA IN PHARMACY

1.MLT / LAB TECHNICIAN : (Medical Laboratory Technologists)-

                     

 Is course ke andar apko lab test perform krne hote hai . Is course ko karne k baad apko blood sample, body fluids, cells, tissues etc. ka detailed analysis krna hota hai .Doston aapne kabhi na kabhi apna blood test to jrur krwaya hoga jiske liye apko hospital ki ek alag unit "Pathalogical lab" me jana hota hai .Ab apko picture clear ho gyi hogi ki  MLT course choose krne ke baad apko kya karna hota hai! Ap is course ke baad apna khud ka pathological lab bhi setup kr sakte hain ,government ya private  hospital mein  bhi job le sakte hai aur achi moti rakam ki kamayi kar sakte hain.

2.OT ASSISTANT (Operation theatre Assistant) :

                        

 Jishe ham operating room technician k naam se v jante hain. Aapne tv par bahut baar operation ka scene to dekha hi hoga jahan  operation theatre mein doctors or nurse k alawa kuch staffs aise bhi hote hain jishe doctor aawaz deta hai aur wahi staff , doctor ko operation related equipments jaise (scissors, needles etc. ) provide karta hai. To apko ab idea lag gya hoga ki OT ASSISTANT ka kaam basically hota kya hai! Ek OT ASSISTANT ko hospital ke operation theatre or emergency wards mein kaam karna hota hai. Inka main kaam senior doctors ko assist karna aur unki help karna hota hai.Is course k andar apko OT related sare equipments jaise (ventillators, monitors,C-arm etc)  ke bare me detailed study karni hoti hai.

3.ECG TECHNICIAN -

  Ye bahut hi intresting course hai kyunki ishme apko Heart k bare me study karni hoti hai.ECG ke bare me aap sab ne (class 12) me padha hoga ECG yani ELECTROCARDIOGRAM jo ki Heart k activity ka reading hota hai. Ish course ko karne k baad apko patients ki heartbeat check karni hoti hai aur heart ki proper reading kar doctors ki help karni hoti hai. 

4.X-RAY TECHNICIAN / RADIOGRAPHY : 

Is course k bare me to apko naam se hi pta chal gya hoga. Is course ko karne wale ko bone structures or  X-RAY  techniques k bare mein padhna hota hai jiska use kar technicians body k internal cutting images ka study kar diseases diagnose karne mein doctors ki help karte hain .

5. ANESTHESIA TECHNICIAN : 

Is course ko karne k baad apko doctors aur nurses ki puri tarah se help karni hoti hai.Operation se pahle pateints ko anaesthesia se guzarna padta hai aur is process ko karne k liye ek achha technician hona bahut jaruri hai jo equipments ko clean aur taiyar kar doctors ki help kar sake .

6. OPTHALAMIC ASSISTANT : 

Ek opthalamic assistant ko opthalmologist  i.e. ek EYE DOCTOR ke sath kaam karna hota hai . OPTHALMIC ASSISTANT basically eye diseases related patients ka different test karne me doctors ki help karte hai.

7. DENTAL HYGIENIST:

 Is course k andar apko oral aur mouth related study karni hoti hai jisme apko oral hygiene se related sari jankari di jati hai .Is course ko karne k baad apko dentist/dental doctor k sath kaam karna hota hai aur patient ko ache se treat karne me help karni hoti hai.

8.CATH. LAB TECHNICIAN :

 Is course k andar apko heart related detailed study karni hoti hai kyunki is course ko karne k baad apko cardiologist i.e. heart doctors k sath kaam karna hota hai aur heart patients k operation k samay doctors ki help karni hoti hai.

9.DIALYSIS TECHNICIAN :

 Is course k andar apko poore excretory system i.e. KINDNEY related detailed study karni hoti hai kyuki is course ko karne k baad apko HAEMODIALYSIS perform karna hota hai.

10.DIPLOMA IN PHARMACY :

 Is course k andar humein medicine se related study karna hota hai . Medicine k manufacture se lekar iske marketing tak sab kuch ,is course k andar padhna hota hai .Is course ko karne k baad apko government or private hospitals jobs milti hai aur is course ki sabse khaash baat ye hai ki aap apna khud KA MEDICAL STORE v setup kar sakte hain.

SCOPES -

 Doston AAJ k samay me paramedical courses ki bhi bahut maang hai, kyunki jitni jarurat doctors ki hai utni hi jarurat humein paramedical staffs ki bhi hai. Aur agar baat ki jaaye scopes ki to isme vast scopes hai aur sirf aaj hi nahi balki aane wale dino me bhi in courses ki maang aur v badhne wali hai .

Jaisa ki ap jante hain ki din prati din Pollution ,population, industries,factories badhte hi jaa rahi hai aur isi k sath sath jaan lewa bimariyan bhi logon ko ho rhi hai . LOGO ki treatment k liye doctors aur paramedical staff ki jarurat pahle bhi thi , abhi bhi hai  aur aane walo dino me aur jyada hogi isiliye aap agar in subjects ko choose kar ke apna career banana chahte ho to apka decision bilkul sahi hai.

Doston aaj k article me bas itna hi. Mai aur aise hi article likhti rahungi aur apko bataungi ki ye sabhi course aap koun se entrance exam dekar government college me bahut hi kam fees dekar  apni padhai puri kar sakte hai.

Agar apko hamara article acha laga ho to follow karein aur agar koi doubt hai to aap comment kar k puch sakte ho.Mai apke doubts ko clear karne ki puri kosish karungi.

  👍   ALL THE BEST  👍      

IF YOU FIND MY ARTICLE HELPFUL ,FOLLOW MY BLOGS AND DO COMMENT.

    😃THANK YOU 😃